求婚喇

4 March 2014 係沙巴既旅程最後一日駱先生冇任何準備之下向我求婚喇. 諗返起呢個沙巴旅行的確好難忙. 因為係求婚前一日我行路唔帶眼差錯腳落坑渠, 扭到完全行唔倒, 第2日行程都取消埋. 駱先生就陪我留係酒店, 照顧我, 買野比我食同幫我搓腳. 患難見真情, 我完全感受倒佢有幾著緊同在乎我. 雖然係整親, 但佢做既一切令我覺得好安隱, 好踏實. 雖然係痛, 但個心好溫暖.

講返求婚當晚, 係旅程最後一晚, 我地一行8人落左酒巴飲酒, 平時唔飲酒既佢今晚都飲左幾杯玩下.玩玩下有個朋友點左首慢歌比LIVE BAND唱, 成個環境即時浪漫曬. 唔知邊個提起話叫佢求婚, 佢又笑笑口問我冇戒指嫁唔嫁? 我問佢係咪認真, 佢話係, 話如果我應承左之後還返1 car鑽戒比我. 我話佢好冇誠意連跪低都冇. 之後佢行出去, 朋友用tissue整左隻戒指比佢做臨記, 然後半跪, 講左一句: 你願唔願意嫁比我呀? 我諗都冇諗就點頭帶上果隻值1 car既臨時紙環. 就咁就答應左嫁比佢.

其實件事發生太突然, 我都完全未load倒, 事後諗返, 原來呢個男人係真係好到就算冇戒指我都係會嫁俾佢, 雖然只係好簡單一句說話, 佢冇話會照顧我一生一世亦冇話會愛我一生一世, 但我相信佢會. 只係一個簡單既動作, 簡潔但包含左真誠, 驚喜, 打動左在埸唔小女觀眾, 個個都喊曬, 見到佢地, 攪到原本未load倒淨係識傻笑既我都忍唔住比佢感動左.

謝謝你愛我, 謝謝你終於肯認投, 哈哈........


2014年3月4日