Bow 二遊婚展~

話說果日到b2b食dinner之前, 陪其中一個b2b去佢件婚紗舖試褂.又比我地見倒有jetso野, 就係6月婚展請入場卷.

駱生好好, 我話我有free入場問佢陪我去婚長行下好唔好, 佢都一口答應

今次我地懶醒, 早左入場, 但其實唔係個個婚展都好似上次去果個咁大型. 加上酒席之Book, 感覺好似冇咩野睇

入場駱先生問我黎呢度其實有冇目的, 其實冇架. 哈! 只係當個節目, 行下街, 睇下有冇新奇野.

今日主要睇左兩樣野, 亦係夜晚炒大獲既導火線.

1. 結婚對戒 - 今日行過周大福個booth, 望望下, 又坐低試左幾對玩下. 見倒一對岩心水, 個款ok, 有行石一對都係6.2k, 好抵買.

其實仲有成年幾, 我都冇咁早買, 只係試下而已. 唔試唔知我地連對對戒既睇法都有咁大分歧

男人覺得- 個款最好簡單到冇石冇花邊, 最好似係五金舖買果d鐵圈咁既款就very good 喇, 之話補多句: 我唔帶架.

再追問你: 其實你會唔會對戒,求婚戒指兩樣一起帶? 我話:會呀! 男人覺得如果對戒都有石就太誇而且突顯唔倒佢送比我果隻求婚戒指-_-

女人覺得- 6.2k一對有款又有一行石已經一d都唔貴, 另外如果你問我求婚戒指同結婚介戒邊樣重要d, 我會答你求婚, 但並唔代表對戒唔重要

冇女人會嫌石多誇長, 如果每隻指都有隻10car就真係可能誇, 但事實唔係. 何況你話你唔多帶, 咁有冇石對你黎講有咩影響?

2. 婚紗 - 上次試完妝, 咁岩行過婚紗街見倒有R.kimberly 婚紗好靚又多款, 但上次趕時間, 只係走馬看花

今次咁岩佢地有擺婚展. 我就拉駱先生坐低聽下d價錢. 了解下d package. 婚展呢家野, 坐低就好難返身, 比佢sell左都成個鐘

一坐低已經話婚展價8k幾, 1婚紗 2eg 1男禮 1褂, 實在唔係平, 拖尾/upgrade/design label/褂轉男禮樣樣都要加$

雖然最後傾到free upgrade, 仲話送多件, 又話最平係我地, 又比d單睇我地話冇送咁多野比其他人, 不過最後我地都冇join

返到屋企, 駱生又開始依依哦哦, 又問我做咩攪咁多, 點解唔簡昏單單.

我真係唔知我其實攪多左D咩? 佢話見倒我係婚展好似雙眼發光咁咩都想加咩都想要. 又話貴又講到牙痛咁聲

如果我真係攪多, 我會希望係Four season度擺酒, photo by ben big day攝影 &愛琴海pre-wedding, 户外草地西式証婚…..

但我而家只係某某酒樓擺酒加律帥証婚, 台中pre-wedding 同埋真係book左個貴小小既big day攝影

其實我都已經好就住黎攪, 但我希望平得黎, 出到黎個效果都唔係太差, 見得下人

佢好介懷我book左果個兩皮幾野big day攝影師. 其實我都唔知點解兩皮幾都會book佢, 只係憑一句鍾意

坊間其實真係要幾平有幾平, David, 我真係同老公拚過你死我活先book你, 希望你真係唔好令我失望.

就係咁就嘈左一個晚上……..

2014年6月8日

Bow Confirm Mua - Apple Lai (Apple's makeup 百利)

經過上次試妝的慘痛經歷, 又要重新開始尋找我的big day mua.

好好彩, 上之試完妝既時侯行過百利一樓見倒有人試緊妝, 個褂頭好靚呀, 之後係果間舖門口行黎利去偷望.

個女仔試左三個髮型, 三個都ok, 仲要人地都係黑色頭髮, 絕對唔似之前幫我試妝果個化妝師咁講黑色頭髮SET唔倒靚造形, 不過個效果就真係未必咁出.

我冇認真睇倒個以個妝, 只係睇左髮型我就問佢價錢, 又膽粗粗咁約試妝喇.

個價錢真係出奇咁抵, 全日Plan仲平過之前果個初出矛爐既Mua 2k, 有冇攪錯架?!真的感覺受騙了.

事隔一星期, 又再抱著2 take pass既心情去試妝.

其實老闆娘是Carrie, 感覺態度也比Apple好及熱情, Apple 係個幾cool的人, 不太愛笑, 不太多說話

去到一坐低Apple開始幫我夾栗米, 了解下我鍾意d咩style, 之後就開始幫我做底妝喇

老實講, 佢個base做得好好, d粉底好滑好貼, 4點上妝到夜晚1點個妝都好似冇點溶過, 下眼位亦不見乾紋 --要讚

打影都做得幾好, 係個鼻影over左, 我即時point out佢都即時同我印返佢. 連佢自已都笑左話似"亞梅" 返到屋企比相99睇都話個鼻型拉直左-- 滿意

遮瑕都算幾好, 粒粒印係明顯見倒有遮倒, 黑眼圈就仲有d灰黑, 不過都係小小, 希望big day會再好d -- 滿意

眼妝部份, 眉形佢係畫得唔錯, 眉色都好岩我, 感覺不惡了. 但有樣野真係要彈, 就係佢幫我"挮"眉真係好差!

Apple話我原先條眉好黑好粗, 如果要靚一定要修得好幼先得呢個我明白, 但問題係佢"挮"到我左右不對稱, 而且幼到好似冇眉一樣

之後果兩三個月唔畫眉係根本冇辦法出倒街, 呢一點我真係十分 -- 不滿意

談到痴眼睫毛, 左右眼不對稱以眼型, 這些我好擔怕問題, Apple都是handle得好好的, 我說我不要大眼, 要迷人電眼, 她是做到的 -- 讚

胭脂顏色名位置也恰當, 有b2b話d胭脂好似圈住左個黑眼圈出黎, 其實我都有同感, 但因影相出黎效果都幾飽滿同有幸福感 --滿意

髮形方面, 有點失望就是, 我Request要跟上星期試妝的女仔一樣, 但Apple她忘記了, 我也再沒提及, 但Carrie竟問起: 這就你上星期看到的褂頭? 我說: 其實不是.

Apple冇出聲, 隔了一會, 睇返上星期的相, 話我記錯了, 但我是100%沒有記錯, 上次指定褂頭右面係有棉棉冰形狀, 但幫我SET時係冇, 不過一樣好睇我先冇出聲.

我唔介意佢係我Big day時set返果我鍾意果個頭, 但佢硬係話記錯果個係我呢點就令我有d反感.

今次試妝hk$300係包2妝2頭, 但當初問價時carrie係話如果我想, 可以我試3個頭. 到左果日我又膽粗粗咁問Apple可唔可試多頭.

我feel倒佢有d黑面, 不過都肯幫我試, 但最後個頭都係隨便set, 我比圖佢睇但只跟倒個圖一成.

其賓上星期個女仔都係試三個頭, 我仲見Apple好有機幫人地併頭飾, 我諗緊係咪我一個去, 所以有小小蝦我?!

明明話2妝2頭, 我話試多一個頭, 佢又私自Cut左我一個妝.不過見佢男友又等緊佢, 可能係趕時間咁就算了.

今次試完, 係有唔滿意既地方,髮型仍有待改善, 態度都要改善, 但個妝我比90分, 化到我對眼真係好靚, 底妝好好, 所以我最後都Confirm左mua Apple.

我知冇野完美既, 但我相信有心做一定可以盡善盡美, Apple, 我既大日子就交比你喇! 開心, 又ko多樣野.

提外話, 係試緊妝既時侯, B2b group既B2b 專登黎睇我呀. 仲比左好多意見我.好多謝你地呀.

陪佢地睇完姊妹裙仲去左"第尾"据扒. 超開心! 2014年5月31日

Bow 試妝- Gxxxxx makeup school (完全失敗的試妝經歷)

首先, 我考慮左好耐開唔開化妝師個名, 打呢篇blog既目的當然係唔想其他b2b中招而絕對冇數臭化妝師既成份, 念在某化妝師將來仍要在此行立足, 我決定不透露化妝師身份. 希望大家係選擇Mua既時間要小心, 否則好浪費試妝費.

當初搵呢個Mua, 可以話完全比佢係fb既相蒙蔽左雙眼, 亦因為呢間公司成日係會展擺show, 價錢亦都唔平, 所以誤以為係堅野. 因為經公司搵呢位化妝師比私人搵佢平成千幾蚊咁多, 所以我私底下搵佢左同我試妝.

抱著期望一take過confirm Mua, 但是次試妝真係令我太失望. 我係我條眉幾粗同黑既人, 我刻意冇修眉去, 希望佢可以比驚喜我, 將我條眉攪得soft d. 試妝果日我仲好強調我個樣比較惡, 想條畫眉淺色d, 望落去個樣就溫和d, 但個out come真係比倒驚喜我, 條眉化完仲粗黑過我粗身, 而且仲要起角. 其實我既即時point out個問題, 但佢堅持話係我條眉本身既問題, big day就會同我修返. 我真係想嘔血, 如果big day先試倒個效果, 其實我比380蚊試妝, 係試d咩?!!!

講返當日試妝費係380蚊, 即日join可以refund. 可試1 妝3頭.

我個人比較著重於褂頭, 因為著褂既時間比較長. 但果日個褂頭真係十分令人唔滿意, 左右留兩條"的緒", 真係好老套, 我同佢講我前陰想要多d layer, 佢係完全做唔倒. 大家可以從上圖見倒, 個不能接受既中式造型, 同埋我果兩條又粗又黑的黃小虎眉.

 

 

 之後就試左一個婚紗同一個晚裝look. 試完真係可以將我自信心完全打撃至零. 我其實除左條眉, 亦有小許大細眼的情況, 但我完全相信一個專業既新娘化妝師係畫眼線方面著手就已經完全可以解決大細眼問題, 佢用痴雙眼皮膠紙同我痴返對稱我係唔介意, 但原先我雙眼已經大, 佢最終痴到我對眼係"超級勁大", 粗眉加勁大眼, 我已經無話可說, 惡樣化完更加的惡.
修容方面, 我個黑眼圈亦係完完全全黑過冇化, 我問佢點解我我粒暗倉印仲係度, 佢竟然答我:到你big day粒倉都謝啦, 個印都退左啦.

如果用10分, 今天的試妝我只能比2分, 1分係佢準時, 另1分係比佢準備了佢果部超級自拍神器. 佢每轉一個妝都用佢個神器幫我影, 然後whats app返比我, 我終於知道點解佢個fb post黎d相, 同佢現實化出黎差咁多. 試完既時間, 佢放返我d頭髮落黎就話已經完成, 我d頭髮仲係一邊直一邊曲的, 連梳都冇借比我就同我講bye bye. 我知道每個mua既style都唔同, 但佢一定係亂style, 用完d化妝品係冇一一放返好原位, 周圍放的, 要用返果時間竟說唔知d野去左邊. 我真係好擔心你big day轉妝果時仲搵緊的化妝品放左係邊.

試完妝, 行左半個鐘街, 我d粉已經開始溶, 條眼線已經溶曬落眼肚位置. 原本一心諗著試妝去靚靚咁去試婚紗, 但我真係頂唔順個樣仲醜過冇化, 唔洗一陣我就落左妝, 好彩朋友有帶落妝水,唔落妝都唔知原來每隻眼痴左成4,5張膠紙,唔怪的咁吉眼啦.

我充心希望果個幫我試妝既化妝師可以睇倒呢篇blog. 有所改善, 唔好再用自拍神器影出黎既相呃人. 如有得罪, 我只能說抱歉了!

2015 B2B group gathering 第一炮 - 雅蘭grand pokka

機緣巧合加入了一個2015年b2b Whats app group. 一班懷著共同目標的女人, 日傾夜傾, 酒席, pre-wedding, 租衫, 律師, 淘實, 攝影, 6299...........無所不談.

今晚我地約出來聚會, 好開心, 識倒你地, 結婚野, 就算老公唔明, 你地會明! 6299唔明, 你地會明明! 此時此刻找到了共鳴, 真得來不易, 珍惜你們!

2015 Happy Wedding!
P.s 雅蘭pokka真個gathering好地方, 坐得舒服, 人又唔多, 有b2b有vip咭, 好抵!

2014年5月2日

蒙記free-pre wedding

訂酒席時<迎>送左張蒙羅麗紗pre-wedding couple, 價值HK$4888, 套餐內容如下:-

拍攝40款選10款(不包Soft copy及執相)
婚紗一套
新郎西裝一套
新妝新郎化妝一次,包頭飾不包眼睫毛($100)恤衫($388起),花球(848起), 粉卜($80)及相框
拍攝只供星期一至五(公眾假期除外)
8x10'' - 1
16x20" - 1
4X5" - 10

落booking時, 蒙記小姐是完全沒有Sell我的, 只有黑面, 當日我先知這輯所謂價值$4888既package係雖然分4日完成.

Day 1選衣
Day 2拍攝
Day 3看相
Day 4取相

每個步驟都是分半日做, 地點在馬灣一來一回其實要請足一日先夠. 起初真係覺得一肚氣, 所有條款其實都是在留難你, 我心諗要送人的送得咁寒酸就不如不送, 說就說是免費, 但我請假的人工也夠我請個freelance 幫我影, 仲可以拎返曬d soft copy. 不過人就係貪小便宜, 唔洗錢就唔好執輸要影埋佢.

27/8 蒙記見!

2014年4月19日

Bow 尋嫁衣 - Divine wedding

今日同左個 ive既同學仔下年11月b2b出去睇下結婚野, 順便去蒙記book酒樓送既free pre-wedding,  未去booking之前係婚紗街行左個圈, 抱住好奇既心態上左幾間樓上舖望望, 第一次尋嫁衣既我, 當然唔知原來試衫要make appointment啦, 所以有多間都得個睇字. 行左幾間, 去到一間叫Divine wedding既婚紗店. 佢可以唔洗我地預約都比我地試2年. 我試左一套wg-復古魚尾,  咁大個女都未著過d咁隆重既裙, 終於都有機會. 件衫竟然just fit, 真係完全冇諗過自己可以著倒魚尾, 真係唔捨得除. 另外試左件eg-淺蘋果, 一字膊, 下身妙尖紗裙, 真係想尖叫, 一字膊真係收埋曬我d唔見得人既鬼鼠位, 真係好似公主咁, 好開心.

 

請返Divine, d衫質素幾好, 唔係d 大路款, 價錢亦一d都唔貴, 但款真係唔多, 可能係我鍾意既唔多, 但睇中試上身既, cutting都真係著得好好睇. 雖然係細店, 但其實都開左一段長時間, 服務態度仲好好, 試完亦完全冇壓力, 雖然每人只可以試兩年, 但我地都逗留左兩三個小時.

 

第一次著上婚紗既感覺真係好美妙
2014年4月19日

 

Big day 攝影師Confirmed - David Chow photography

David係駱先生個朋友既Big day攝影師. 去飲時, 我冇印象見過David, 事隔半年, 無意中係facebook, 見倒佢地段same day edit被佢的d圍村祠堂外景吸引左, 之後直接問David問價, 嘩, 一問之下覺得勁貴, 好似係二萬五千幾仲要唔包早拍晚播, 完全Out budget, 但我個人好衰, 先入為主鍾意左就好難睇中第二間, 所以我好單刀直入問David有冇做緊promotion. 佢竟然回覆我有商有量的. 最後佢比左2014 book 2015既early bird promotion我, 而且same day edit仲有7折. 計落比2015個價平左三四千蚊架都.

雖然平左, 但其實二萬二千幾其實都仲唔係平,  其實中途有諗過放棄唔用佢, 因為開頭我同駱先生講我想用David時, 佢一句就話佢冇諗過係呢方面洗咁多錢. 其實果刻打擊都真係幾大. 同時, 問過好多結婚既朋友, 佢地一聽倒二萬呢個銀碼已經話好貴, 有D話萬幾,有人話一萬留下都有. 大家都覺得我好傻, 覺得攝影師通街都係, 影到有感覺而又平既大有人在. 不過我都係硬頸派, 我就係特別喜歡David chow隊crew. 難得傾左個好價錢返黎, 我同駱先生講話我就算自己比我都要請佢.駱先生見我咁堅持都冇再阻止.

好快我confirm左David, 佢亦都好快send左d詳細資料比我, 仲話想約次見面先再落訂. 我地約左27/4見面, 同我想像中一樣, David係個好健談既人, 同佢傾完一下細節, 交待左佢地果日既行程, 即時信心加大左, 感覺佢除左攝影方面幫倒手, 係流程方面佢都可以幫手控制下.駱先生同佢見完面, 都即時開票比David 下訂. 

返到屋企同未來99講話已經book左攝影, 開頭都好驚佢地會話貴, 點知佢地又話其實2萬幾4個人黎都係合理價錢, 好開心, 又ko一個重要item. 

 

2014年4月27日

Pre-wedding Confirmed – 台中紅豆

其實想像同現實永遠都係兩回事. 結婚要本著開心為大前提, 要顧及自己和老公的能力, 將大家的壓力減到最低, 所以我將我夢想七萬元Photo by ben歐洲pre-wedding好自然咁轉變成一萬五千元台中紅豆PW. 駱先生, 為了你的荷包, 感動了吧?! XD

紅豆是我好幾年前一個舊同事結婚時認知的,然後就一直在Facebook like了他們的page, 間中也看到不小自己喜歡的風格. 直到去年, 有另一位朋友結婚, 他們的婚照簡直是震撼. 朋友和他的老公都是十分上鏡的人, 笑容特別吸引, 其實在任何一間公司拍攝也很能加分, 但令人覺得最震撼是他們那輯PW的故事性很強, 攝影師的構圖很好, 一張張照片滿載了幸福開心,活潑和優雅的感覺, 令人很難忘.

看了朋友的成品, 又被他給力的推薦, 真的心動了. 除了他們的風格比較特別外, 包套也算是便宜的了, 雖然他們包套只有一本相本,沒有其他花巧的物品贈送, 但底片全回也叫人興奮, 而且包套內應包的也包含在內, 化妝師跟全日, 外拍車也包了. 不像別的公司, 將這些必須項目都收費起來. 也數是完成了自己那個在海外拍婚照的心願. 由3月中開始我發電郵的紅豆詢問, 很快便收到紅豆的客服H小姐的回覆, 而且講解得十分詳盡, 我最後JOIN了以下包套.婚紗純攝影(限 2人)       NT39800元

*專業攝影師.造型師.燈光師跟拍服務

*新娘提供拍攝禮服  5 套包含整體彩妝造型
*新郎提供黑白西裝各一套(可自備襯衫或牛仔褲)
*全程外景服務
*拍攝當天檔案 160 張(40張檔案有修片)
*拍攝光碟檔案 1 份
*外拍車
*15吋複合式相本一本(純滿版無美編)
*輸出照片共40組(有修片)
*相本內頁20p
*紅豆專屬設計款桌框一個
*專屬高級光碟盒一個

還加了NT12000拍花絮, 但事後有點後悔浪費錢.不過訂金給了出去, 還是不想太多, 努力修身, 期望那天天氣好,成品好, 一切順利好了J

忘記本身

自從談婚事起, 情緒一直有點不穩定.
睡得不好, 發惡夢, 胡思亂想, 小小事都能觸動情緒, 當然其中只有一個人會受罪.
同時, 駱先生近日都變得古怪, 對我要求多多, 常翻舊帳, 令我生氣激了, 造成了一個惡性循環.
我容易生氣, 他又覺得我無理取鬧, 要求我不要這樣那樣, 然後我又覺得他不愛我了, 都不像從前般遷就我包容我了. 在他立場來看, 我是他快要娶過門的女人, 娶了就一世, 當然小心為妙. 我其實都欣賞他對婚姻的專重.
這陣子大家都忙著, 我忙著安排婚禮, 他忙著賺錢養家, 大家忙著忙著便忘記本身. 為什麼當初他會向我求婚, 而我又會答應嫁給他呢? 是因為我們都很愛大家, 想與大家一起生活到老, 對吧!?

酒席下訂當晚, 大家吵了一場交, 在未來99和姑9面前互數不是, 一點也沒有留力, 或許真的快要成為一家人了, 沒有什麼好避談, 那晚我們由凌晨一點嘈到四點, 將心裡面的結都一一拿了出來解開, 還有未來99和姑9在旁勸解, 我們都舒解了很多. 只能說我真係太幸運, 即將嫁入一個很有親和力的家庭, 對於我們吵架, 他們的觀點都很中立, 說的話亦沒有偏旦, 沒有令我難受, 還說這段時間對大家都一舉一動都會很敏感, 要多包容和忍耐.

怎樣吵也好, 請不要忘記本身, 不要忘了為什麼會喜歡他, 不要忘記當初為什麼要嫁給他!

2014年4月5日

酒席Confirmed - 迎 Joyous one (元朗)

好開心, 終於攪掂左第一樣最煩惱既野- 訂酒席!
其實真係冇諗過自己係元朗擺酒, 可能真係先入為主, 自睇中The one <<迎>>個場之後就冇辦法睇得上其他酒樓, 我地兩個又鍾意熱鬧, 始終都係酒樓比較適合, 睇過元朗<<迎>>之後覺得好新同配套都好齊, 開初係覺得交通有小小唔方便, 又驚比倒人地好鄉下既感覺, 不過駱先生都講得岩, 結婚應該就自己, 有心黎既朋友遠遠都會黎飲你果餐.
咁岩今日未來6299好似好想睇下個場, 約左我地去食晚飯加睇埸, 好驚喜d野食同招呼竟然好食過The one果間, 成家人都好滿意, 食完飯見倒經理楊小姐, 就叫佢帶未來99睇下個新娘房同踩下個台, 佢當然都係超like啦, 有讚冇彈.
其實早兩日駱先生已經落左order話可以落訂喇, 前前後後都黎左3次, 唔再多諗, 比錢~~~~
Our BIG Day 20 September 2015

P.s 兒童節快樂呀各位!
2014年4 月4 日

睇埸 – 迎. Joyous one – 元朗 (馬田路)

由於賓客人數突然急劇上升, 尖沙咀<迎>>個場已經唔夠擺, 被迫要放棄, 其實真係有d失望. 不過如果d大陸親戚唔請, 之後又要返大陸食多餐, 不如一次過擺多小小攪埋佢, 始終一次過大班人開心d, 熱鬧d.

怕麻煩既我又要再諗過個場. 上網睇左好多係tst既酒樓, , 煌府系列, 無論Catwalk天橋, 飛天車, golf車都真係太浮誇, 完全唔係我杯茶, 更加唔配合駱先生一如以往既低調作風. 利寶閣我媽媽飲過又話麻麻, d升降機冇板隔開, 唔洗送客d人自己各散東西走曬, 北京樓, 映月樓果d普遍樓底都冇The one咁高, 礜宴其實都靚, 但圍數又唔夠. 慢慢覺得tst真係選唔落, 駱先生又叫我唔好咁辛苦局限自己係尖沙咀區, 我開始延伸下諗下其他地區, 九龍灣其實有幾個靚埸, 不過太遠交通又唔方便, 搵自己黎攪,  旺角,荃灣?  都似都唔係太岩心水, 咁不如近近地搵返元朗就自己?

訓唔著幾晚, 心情好不安之制, 突然”叮”一聲上網睇下元朗間<<迎>>, 咁岩係前一日有WOW友睇過場, POST出黎D相都幾吸引, 仲用好靚好新同平黎形容, 最唔好就係洗手間係酒樓外面(呢個我覺得完全唔係D咩問題), 雖然我從來冇諗過自己會係元朗擺酒, 但可能先入為主左, 始終覺得<<迎>>既裝修最精簡, 最岩我地兩個, 冇水晶燈, 冇城堡, 冇紫紫紅紅, 好舒服. 咁岩自己又住得近, 等駱先生一放工, 我就捉佢同我一齊去睇場.

Max席數: 28-30
包全埸價: 18000 (有88折, 唔知做到幾時)
15席包半場, 16席包全埸

當晚大約8點去到, 人唔多, 酒樓新開左3-4個月,  其實前身都係稻香集團, 不過而家大變身做專做婚宴酒樓, 所以配套都好齊全. 淨係睇個門口其實都比一般商場酒樓有氣派得多, 酒樓係地舖win左The one迎, 唔洗等3,4個字排隊等lift先啦. 左右兩邊各一條白色羅馬柱, 招牌得一個迎字, 仲要係有光係後面打出黎, 超有型!

入到去已經見們佢間酒樓既賣點, 超大LED電視,  樓底適中, 光猛, 好新淨, 一入到去感覺真係好WEDDING, 佢既基本佈置, 証婚Table, Candy Bar Table, 接待位都已經好靚, 對我黎講已經好夠用, 唔洗再花錢係佈置身上, 駱先生話呢D野其實冇咩人睇, 佢又考我, 問我D FD結婚時D枱花係點既樣, 我都啞左... 所以夠用就ok, 唔好over做埋d浪費錢又冇意思同效果既事. 個Backdrop雖然唔好似尖沙咀咁全個都係白色通花,  但佢LED電視左右兩邊仍然都係白色通花一樣咁靚架, Remote拉返埋塊紗就可以影相, 只係唔包backdrop名牌, 不過出面做都好平, 所以唔大影響. 同埋個stage就大過尖沙咀好多.

Service方面, 唔知係咪新店, 派左個十分Friendly既經理落黎, 比倒反應我地既, 上次係尖沙咀果個真係唔憂做, 呢個主動性強好多, 一入到去問婚宴, 楊小姐(即經理) 行出黎話先帶得睇下新娘房先, 沿路係正中行入去就係match in既路線, 中間有條星光大道, 有小小特別, 但就唔係浮誇囉. 之後介紹backdrop, 燈光, 音響效果, control room.,枱布花款., 喜帖,新娘房其實算細, 但迫迫地都夠用既, 最緊要佢有獨立洗手間. 基本上佢講野清楚, 你都唔需要再點問野, 真係加左分.

總括黎講, 除左地點, 海景同露台, 我覺得其他野元朗都係高分d,  但當然佢都有缺點, 就係交通其實唔太方便, 但係佢靜又係我其中鐘意佢既原因之一. 問埋長輩, 如果冇問題, 我應該好大機會都會落訂喇. 睇中<<迎>>個人終於定返d.

睇場 + 試菜 尖沙咀The one - 迎 .Joyous one

2015年weekend min charge: HK$188,000
最多擺25席
菜單包加一, 茶芥 (其實幾抵)

個人評語: 無柱, 清簡, 唔浮誇, 冇水晶燈, 但樓底好高, 冇壓迫感  仲有sea view,我個人幾鍾意, 原先以為好暗, 之後侍應開燈比我睇, 開左之後好ok, 夠光, 影相應不會面黃, BACKDROP本身已經夠靚, 白色通花, 但唔包新人人名牌, 訂造要成1千, 出面做仲平, BACKDROP燈可轉色, 我覺得紫藍色最好睇同最GRAND, 基本Décor都有一齊, 証婚table, candy corner table, album table 既décor都數係好過出面d酒樓d. 新娘房唔數大, 但勝在有獨立洗手間, 唔多人出入換衫, 其實唔係大問題. 野食唔錯, 幾新鮮. 但又唔係話好有驚喜, 因為都係食果D野.

缺點: 我覺得幾嘈可能係回音. 有露台, 打開後應可解決回音問題. RECEIPTION位好奇怪, 佢一共都4部笠, 其實大部份都會搭1,2號上黎, 咁就直接見倒張reception table, 但如果搭3,4號笠上黎既朋友, 係可以miss左個reception直接入會場, 呢真下好奇怪. 除此之外, d笠既真係好難頂, 因為The one樓上有5間酒店一同入席一同散席, 所以上又要等, 落又要等, 其實都等到幾燥底. 
SERVICE 呢方面其實都幾難評論, 要有心理準備擺酒樓全部侍應都差唔多係國內同胞黎, 講野會有唔正既問題, 但唔會影響服務, 服務好唔好其實真係好個人同睇你好唔好彩, 一晚廿幾圍總有一兩個hea係做或者做到黑面. 其實一入到黎對D人印象好麻麻, 有位有叫郭小姐既物體態度真係麻麻, 咁岩上到去,佢講緊電話, 我地企係度等帶位, 佢完全當我地透左明, 做個手摯叫等等都冇, 之後等去收左線, 順路問下婚宴野,可能我個樣太細個, 完全唔似係我結婚, 我問佢野, 佢都係望住家姐答, d答案完全有生意唔憂做, 我唔想同佢傾所以食飯先. 食完飯已經完成冇興趣同佢傾, 只係想望2眼個新娘房, 剛巧遇到呀陳生, 全埸唯一既男仕, 佢係經理, 可惜只係做拉埸, offer 完全唔知, 但佢都好用心較燈同帶我地睇個埸, 值得一讚. 如果結婚果日有呢一種人係咪拉埸做rundown, 你話幾好呢!!

仲有一樣野係, 我地試下企係個台上面, 個高度一流, 可以一眼逞曬咁多席既人, 連最後果席既朋友都可以好清楚望倒, 呢個感覺好正, 總括, 樓酒黎講咁既view, 地段, 格局, 我真係幾滿意, 雖然我未開始睇其他埸, 但憑我地飲左咁多次既經驗, 呢間酒樓真係令我幾有衝動想落訂.